zp cess subsidy for Spray pump electric motor pvc pipe and tarpaulin E-Tender notice
LATEST NEWS
NEWS
जुन्या वस्तू -कपडे ,चप्पल,बुट,पर्स,खेळणी संकलित करून गुंज या सामाजिक संस्थेस प्रदान कार्यक्रम.
नाविण्यपूर्ण उपक्रम राबविण्यामध्ये कोल्हापूर जिल्हा नेहमीच अग्रेसर राहीला आहे.या वर्षीदेखील मा.अध्यक्षा,जि.प.कोल्हापूर यांचे संकल्पनेतून जुन्या वस्तू -कपडे ,चप्पल,बुट,पर्स,खेळणी ,ई – कचरा संकलित करून दान करणे,असा अभिनव उपक्रम राबविला जात आहे. दि.7 ते 16नोव्हेंबर,2017 पर्यंत जिल्हापरिषदेकडे या वस्तूंचे संकलन करून ते ‘गुंज’ या सामाजिक संस्थेला दान करणेचा सामाजिक उपक्रम जिल्हा परिषदेने यशस्वीरित्या राबविला आहे.या वस्तूंपासून वापरा योग्य नवीन वस्तू तयार करून त्या दुर्गम भागातील किंवा गरीब लोकांना वाटप केले जाणार आहेत.वर्ष 2015 मध्ये जिल्हा परिषद कर्मचारी संघटनेमार्फत याचं पध्दतीने जुने कपडे संकलन करून ते आनंदवन या सामाजिक संस्थेस दान केले होते.त्याप्रमाणेचं यावर्षी ही हा उपक्रम जिल्हा परिषद प्रशासनाने हातामध्ये घेतला आहे.
या उपक्रमास कर्मचा-यांकडून चांगला प्रतिसाद मिळाला आहे. उपक्रम वेळेत पूर्ण व्हावा यासाठी सर्व विभागांना वस्तू दान करणेसाठी वेळ निश्चित करून देण्यात आल्या होत्या त्याप्रमाणे सर्व विभागांनी आपली कामगिरी पूर्ण केली आहे.पंचायत समिती स्तरावरती देखील या पध्दतीने जुने कपडे संकलन करून हे साहित्य जिल्हा परिषदेकडे सादर केले आहे.या संकलित साहित्याचे वर्गीकरण आणि पॅकिंगचे काम पूर्ण करण्यासाठी जिल्हा परिषदेतील कर्मचा-यांची नियुक्ती करण्या आली होती.त्याप्रमाणे प्राप्त सर्व साहित्यांचे पॅकिंग पूर्ण करण्यात आले आहे.तब्बल दोन ट्रक भरतील इतके साहित्य या उपक्रमातून जमा झाले आहे.
आज रोजी दुपारी 3.00वा साहित्य भरलेले ट्रक गुंज या संस्थेकडे रवाना होणार आहे.सदर साहित्य गुंज या संस्थेस पाठवण्यासाठी दोन ट्रक च्या व्यवस्थेची जबाबदारी कॉन्ट्रॅक्टर असोसिएशनने उचलली आहे.मा.सौ.शौमिका महाडीक ,अध्यक्षा,जि.प.कोल्हापूर ,यांचे हस्ते श्रीफळ वाढवून हे ट्रक गुंज या संस्थेकडे रवाना झाले.यावेळी या उपक्रमामध्ये मोलाचे योगदान दिलेबदद्ल जिल्हा परिषद कर्मचा-यांचे प्रातिनीधक स्वरूपात प्रशस्तीपत्र देवून आभार व्यक्त करण्यात आले. यावेळी मा.श्री.सर्जेराव पाटील,उपाध्यक्ष,जि.प.कोल्हापूर,मा.डॉ.कुणाल खेमनार,मुख्य कार्यकारी अधिकारी,मा.श्री.इंद्रजित देशमुख,अतिरिक्त मुख्य कार्यकारी अधिकारी,मा.श्रीम.सुषमा देसाई,उप.मु.का.अ(पा.व स्व.) आणि जिल्हा परिषदेचे सर्व खातेप्रमुख आणि कर्मचारी यांचे उपस्थितीमध्ये हा कार्यक्रम संपन्न झाला.
———————————–
| जिल्हा परिषद, कोल्हापूर जिल्हा पाणी व स्वच्छता मिशा (DWSM) | |||||||||
| जुने कपडे व वस्तू संकलन अहवाल (बॉक्स मध्ये) | |||||||||
| साड्या | शर्ट | पँट | लहाा मुलांचे ड्रेस | स्री कपडे | चप्पल | स्वेटर | बॅग | खेळणी | इलेक्ट्रॉाकि |
| 59 | 54 | 34 | 89 | 51 | 8 | 10 | 5 | 4 | 3 |
उपमुख्य कार्यकारी अधिकारी,(पा.व स्व.)
दीनबंधू ग्रुप, मुंबई यांचेकडून जिल्हा परिषदेच्या ३० शाळांना मोफत शैक्षणिक साहित्याचे वितरण
दीनबंधू ग्रुप, मुंबई यांचेकडून कोल्हापूर जिल्हा परिषदेच्या ३० शाळांना नुकतेच शैक्षणिक व क्रीडा साहित्याचे वितरण करणेत आले. सोमवार दि. १३/११/२०१७ इ. रोजी राधानगरी तालुक्यातील वि.मं. भित्तमवाडी, गवशी पाटीलवाडी, म्हासुर्ली, खामकरवाडी, कोते, देऊळवाडी, बुरंबाळी, गुडाळवाडी, कुडुत्री, आणाजे, खिंडी व्हरवडे, बुजवडे, धामणवाडी, मांगेवाडी व मालवे या १५ शाळांना मोफत साहित्याचे वितरण करणेत आले. तसेच मंगळवार दि. १४/११/२०१७ इ. रोजी गगनबावडा तालुक्यातील वि.मं. लोंघे, साखरी, वेतवडे, मणदूर, अणदूर, धुंदवडे, जर्गी, सांगशी, शेळोशी, मांडुकली, असंडोली, कोदे बुद्रुक, ज्ञानसाधना तिसंगी, आश्रमशाळा पळसंबे व परशुराम हायस्कूल गगनबावडा या १५ शाळांना साहित्याचे वितरण करणेत आले. दीनबंधू ग्रुपकडून सदर शाळांमध्ये जाऊन शालेय मुलांच्या वयोगटानुसार उपयुक्त्‍ असे शैक्षणिक व क्रीडा साहित्य वितरीत करणेत आले.
दीनबंधू ग्रुप हा मुंबई व कोल्हापूर येथील साधारण ३० उद्योजकांचा ग्रुप मुंबईस्थित उद्योगपती मा. किर्ती मेहता यांनी तयार केला असून त्या माध्यमातून शैक्षणिक व सामाजिक कार्य सुरू आहे. यापूर्वी या ग्रुपकडून कागल व राधानगरी तालुक्यातील जिल्हा परिषदेच्या विविध शाळांना शैक्षणिक साहित्याचे वितरण करणेत आले आहे. शाळांना वितरीत करणेत आलेल्या साहित्यामध्ये शालेय मुलांकरीता वाचनीय पुस्तके, चित्रकार्डे तसेच क्रिकेट, फुटबॉल, कॅरम इ. अशा साधारणपणे रू. ७०००/- किंमतीच्या साहित्याचा समावेश आहे. सदर साहित्य वितरण प्रसंगी दीनबंधू ग्रुपचे संस्थापक मा. किर्ती मेहता, मा. अरविंद मणियार, मा. डाहयाभाई पटेल, मा. संपत मोरे, मा. श्रीधर रामदुर्गकर, मा. राजीव पाटील, मा. माधव कुलकर्णी यांचेसह शिक्षण समिती सदस्य मा. भगवान पाटील, मा. विनय पाटील, गटशिक्षणाधिकारी श्री. डी. ए. पाटील, जिल्हा समन्वयक श्री. बी. बी. पाटील, केंद्रप्रमुख श्री. गुरव यांचेसह सरपंच, शाळा व्यवस्थापन समिती सदस्य, मुख्याध्यापक, शिक्षक आदी उपस्थित होते.
कोल्हापूर जिल्हा परिषदेचे मुख्य कार्यकारी अधिकारी, शिक्षण समिती सभापती व सदस्य, शिक्षणाधिकारी, गटशिक्षणाधिकारी, जिल्हा समन्वयक यांचे सहकार्य लाभल्याने जिल्हा परिषदेच्या शाळांना साहित्य वाटपाचा उपक्रम यशस्वी झाला असून आगामी काळात जिल्हा परिषदेच्या जास्तीत जास्त शाळांना साहित्य वाटपाचे नियोजन असल्याचे दीनबंधू ग्रुपच्या वतीने स्पष्ट करणेत आले.
कोल्हापूर जिल्हा परिषदेच्या शाळांना मोफत शैक्षणिक साहित्य वाटपाच्या विधायक उपक्रमाबाबत दीनबंधू ग्रुपच्या प्रतिनिधींचे कोल्हापूर जिल्हा परिषदेच्या वतीने मुख्य कार्यकारी अधिकारी मा. डॉ. कुणाल खेमनार, शिक्षण समिती सभापती मा. अंबरिषसिंह घाटगे व शिक्षणाधिकारी मा. सुभाष चौगुले यांनी स्वागत करून यथोचित गौरव केला. जिल्हा समन्वयक श्री. बी. बी. पाटील यांनी दीनबंधू ग्रुपकडून जिल्हा परिषद शाळांना साहित्य वितरणाच्या उपक्रमाबाबत सर्व सदस्यांचे आभार मानले.
शिक्षणाधिकारी (प्राथ.)
जिल्हा परिषद कोल्हापूर
सुजाण विध्यार्थी अभियान २०१७ वृत्त प्रसिद्ध करणेबाबत
डॉ.ए.पी.जे.अब्दुल कलाम सुजाण विद्यार्थी अभियान २०१७
कोल्हापूर जिल्हा परिषद मार्फत जिल्हयातील जिल्हा परिषद व्यवस्थापनाच्या प्राथमिक शाळांमध्ये सन 2017-2018 या शैक्षणिक वर्षात “डॉ.ए.पी.जे. अब्दुल कलाम सुजाण विदयार्थी अभियान” राबविणेत येत आहे. सदर अभियानांतर्गत ग्रामीण भागातील विदयार्थ्यांच्या व्यक्तीमत्वावर विविध पैलू पाडून सर्वांगिण विकासासाठी व सभोवतालच्या सर्व आवश्यक विषयांची प्राथमिक माहिती विद्यार्थ्याना मिळावी याकरिता हे अभियान राबविणेत येत आहे. या अभियानाअंतर्गत जिल्हा परिषद शाळामधील सर्व विद्यार्थ्याना विविध विभागाची माहिती चित्रफितीच्या व माहिती पटाच्या आधारे देउन एक सुजाण विद्यार्थी घडविण्याचा उद्देश असून जिल्हा परिषद शाळेतून बाहेर पडणारा विद्यार्थी हा एक सुजाण व सक्षम विद्यार्थी म्हणून बाहेर पडेल यात शंका नाही. त्या अनुषंगाने विविध विभागांच्या चित्रफिती व माहिती पुस्तकांचे वाटप दिनांक 14/11/2017 रोजी सकाळी 11.00 वा राजर्षी शाहू सभागृह, जिल्हा परिषद कोल्हापूर येथे संपन्न झाले.
सदर कार्यक्रमाचे प्रास्ताविक श्री.सुभाष चौगुले, शिक्षणाधिकारी (प्राथ.) यांनी केले. या कार्यक्रमामध्ये श्री.अंबरिषसिंह घाटगे, सभापती, शिक्षण व अर्थ समिती, जिल्हा परिषद कोल्हापूर यांनी जिल्हा परिषदेने जिल्ह्यातील विद्यार्थ्यांपर्यंत विविध विषयांचे चित्रफिती देणेकरिता तालुका स्तरावरील केंद्रप्रमुखांना लॅपटॉपची सुविधा देणेत येणार असलेचे सांगितले. मा.डॉ.कुणाल खेमनार ,मुख्य कार्यकारी अधिकारी यांनी डॉ.ए.पी.जे. अब्दुल कलाम यांच्या जीवनातील प्रसंगातून शिक्षकांमध्ये विद्यार्थ्यांना घडविण्याची ऊर्जा कशी निर्माण होऊ शकते याबाबत मार्गदर्शन केले. मा.डॉ.डी.टी. पोवार, प्रादेशिक परिवहन अधिकारी, कोल्हापूर विभाग ,कोल्हापूर यांनी अध्यात्मातून शिक्षण या विषयावर मार्गदर्शन केले. तसेच त्यांच्या प्रकाश वाटेकडे सुरक्षित प्रवास या स्वलिखित पुस्तकाच्या रु. 3.00 लाख किंमतीच्या 2050 प्रति जिल्हा परिषदेच्या शाळांना वितरीत करणेत आल्या. वन विभागाच्यावतीने प्रभूनाथ शुक्ल, उपवनसंरक्षक अधिकारी, कोल्हापूर वन विभाग, कोल्हापूर यांनी जैवविविधतेवर आधारित चित्रफित जिल्हा परिषदेच्या 1250 शाळांना निशुल्क वाटप केल्या.
सदर कार्यक्रमात चित्रफित तयार करणाऱ्या व पुस्तक भेट देणाऱ्या सर्व विभागांचे जिल्हा परिषदेचे उपाध्यक्ष मा.सर्जेराव पाटील, मा.डॉ.कुणाल खेमनार, मुख्य कार्यकारी अधिकारी, श्री.अंबरिषसिंह घाटगे सभापती, शिक्षण व अर्थ समिती, जिल्हा परिषद कोल्हापूर, श्री.भालेराव, उपमुख्य कार्यकारी अधिकारी (साप्रवि), जिल्हा परिषद कोल्हापूर, श्री.सुभाष चौगुले शिक्षणाधिकारी (प्राथ.) जिल्हा परिषद, कोल्हापूर, यांच्या उपस्थित प्रमाणपत्र, पुस्तक व पुष्प देवून त्यांचा सत्कार करण्यात आला. या कार्यक्रमासाठी सुत्रसंचालन श्री.संदीप मगदूम यांनी केले. जिल्हा परिषदेचे शिक्षण विस्तार अधिकारी, श्री.डी.सी. कुंभार, श्री.जे.टी. पाटील, श्री.एम.आय. सुतार व सौ. जे.एस.जाधव यांनी विशेष परिश्रम घेतले. सदर कार्यक्रमाचे आभार श्री.बी.एम.कासार ,उपशिक्षणाधिकारी (प्राथ.) यांनी मानले.
(सुभाष चौगुले)
शिक्षणाधिकारी (प्राथ.)
जिल्हा परिषद कोल्हापूर
प्रगत शैक्षणिक महाराष्ट्र कार्यक्रमांतर्गत संकलित मूल्यमापन 1 चाचणी सन 2017-18
शिक्षण हक्क कायदयातील कलम 29(2)(ह) नुसार मूल्यमापन पध्दतीद्वारे विदयार्थ्यांच्या ज्ञान, आकलन आणि उपयोजन क्षमतांची पडताळणी करणे आवश्यक आहे. कायद्यातील या अपेक्षा आणि तरतुदी विचारात घेऊन दिनांक 20 ऑगस्ट 2010 च्या शासन निर्णयानुसार राज्यात इयत्ता 1 ली ते 8 वी साठी सातत्यपूर्ण सर्वंकष मूल्यमापन पध्दती लागू केली आहे.
वाचन, लेखन, संख्याज्ञान आणि संख्यावरील क्रिया या मुलभूत क्षमतांची परिपूर्ण तयारी झाल्यास ज्ञानग्रहन आणि आकलनाचा मार्ग सुलभ होतो. यामध्ये एकही मुल अप्रगत राहू नये यासाठी संपूर्ण राज्यात प्रत्येक विदयार्थ्याच्या पायाभूत संपादणूकीची नियमित पडताळणी करुन शैक्षणिक दर्जा ंउंचावण्यासाठी गरजाधिष्ठित कृती कार्यक्रमाची आखणी करणे तसेच ज्या इयत्तेत बालक शिकत आहे त्या इयत्तेच्या क्षमतांचीही संपादणूक वेळच्या वेळी तपासून व मदत करून अप्रगत विद्यार्थ्यांची संख्या कमी करण्याच्या अनुषंगाने दि. 22 जून 2015 च्या शासन निर्णयानुसार प्रगत शैक्षणिक महाराष्ट्र कार्यक्रम राज्यामध्ये सन 2015-16 या शैक्षणिक वर्षापासून सुरू करणेत आला आहे. दि. 14 जुलै 2017 च्या शासन निर्णयानुसार सन 2017-18 मध्ये राज्यातील सर्व व्यवस्थापनाच्या सर्व माध्यमांच्या व सर्व बोर्डाच्या मान्यताप्राप्त शाळांमधील इयत्ता 1 ली ते 8 वीच्या सर्व विद्यार्थ्यांसाठी प्रथम भाषा, गणित, इंग्रजी (तृतीय भाषा) व विज्ञान या विषयाच्या शैक्षणिक प्रगती चाचण्यांचे आयोजन करणेत आले आहे. यामध्ये पायाभूत चाचणी, संकलित मूल्यमापन चाचणी 1 व संकलित मूल्यमापन चाचणी 2 या तीन चाचण्यांचा समावेश आहे. सर्व नियमित विद्यार्थ्यांच्या किमान अपेक्षित क्षमता संपादणूकीची खात्री करणे व गुणवत्ता तपासणे आणि सुधारणे हा या चाचण्यांचा हेतू आहे.
सन 2017-18 मध्ये इयत्ता 1 ते 8 साठीची संकलित मूल्यमापन 1 चाचणी सर्व व्यवस्थापनाच्या, सर्व माध्यमाच्या केवळ राज्यमंडळाशी सलग्न असलेल्या सर्व शाळांमधील इयत्ता 1 ते 8 च्या सर्व विद्यार्थ्यांसाठी घेणेत येत आहे. सदर चाचणीचे आयोजन राज्यस्तरावरुन प्रश्नपत्रिका पुरवून दि.8 नोव्हेंबर 2017 ते 11 नोव्हेंबर 2017 या कालावधीत खालीलप्रमाणे करण्यात आले आहे.
| इयत्ता | विषय | दिनांक | वेळ |
| इ. 1 ली ते इ. 8 वी | प्रथम भाषा | 8 नोव्हेंबर 2017 | सकाळी 11.00 ते 1.00 |
| इ. 1 ली ते इ. 8 वी | गणित | 9 नोव्हेंबर 2017 | सकाळी 11.00 ते 1.00 |
| इ. 3 री ते 8 वी | इंग्रजी (तृतीय भाषा) | 10 नोव्हेंबर 2017 | सकाळी 11.00 ते 1.00 |
| इ. 6 वी ते 8 वी | विज्ञान | 11 नोव्हेंबर 2017 | सकाळी 11.00 ते 1.00 |
जिल्ह्यातील इयत्ता 1 ते 8 च्या 3580 शाळांतील सुमारे 5 लाख विद्यार्थी संकलित मूल्यमापन 1 चाचणी साठी प्रविष्ठ होत आहेत.
सदर चाचणी आयोजनाबाबत जिल्ह्यातील सर्व व्यवस्थापनाच्या, सर्व माध्यमाच्या केवळ राज्यमंडळाशी सलग्न असलेल्या सर्व शाळांना कळविणेत आले आहे. चाचणीमधील लेखी प्रश्नाबरोबरच तोंडी, प्रात्यक्षिक इतर दिवशी घेण्याबाबतचे नियोजन शाळास्तरावर करणेत येणार आहे. सदर पायाभूत चाचणीचे शाळास्तर संनियंत्रण करणेसाठी जिल्हास्तरावरून 19 अधिका-यांची नेमणूक केलेली आहे.
(सुभाष चौगुले )
शिक्षणाधिकारी (प्राथमिक)
जिल्हा परिषद, कोल्हापूर
खाजगी प्राथमिक शाळांमधील शिक्षकांच्या सन 2016-17 या आर्थिक वर्षातील भविष्य निर्वाह निधी पावती वितरण
गतीमान प्रशासन योजनेंतर्गत कामकाजामध्ये पारदर्शकता व गतीमानता आणून जिल्हा परिषदेच्या प्राथमिक विभागाने भविष्य निर्वाह निधीसाठी पात्र असणाऱ्या 158 खाजगी प्राथमिक शाळांपैकी 139 शाळांमधील 1000 शिक्षकांच्या भविष्य निर्वाह निधी पावतीचे वितरण जिल्हा परिषद कोल्हापूरच्या अधिक्षक वेतन व भविष्य निर्वाह निधी पथक प्राथमिक या विभागामार्फत सन 2016-17 या आर्थिक वर्षातील भविष्य निर्वाह निधी पावती वितरण समारंभ दि. 06/11/2017 इ. रोजी जिल्हा शैक्षणिक सातत्यपूर्ण व्यावसायिक विकास संस्था, कोल्हापूरच्या सभागृहामध्ये सकाळी 11.00 वा. करणेत आले. हा कार्यक्रम मा.डॉ.विलास पाटील, प्राचार्य, जिल्हा शैक्षणिक सातत्यपूर्ण व्यावसायिक विकास संस्था, कोल्हापूर यांचे अध्यक्षतेखाली व मा.श्री. राहूल कदम, उपमुख्य लेखा व वित्त अधिकारी जिल्हा परिषद कोल्हापूर, मा.श्री.सुभाष चौगुले, शिक्षणाधिकारी (प्राथ.), जिल्हा परिषद कोल्हापूर यांचे उपस्थितीत घेणेत आला.
या कार्यक्रमाचे प्रास्तावित कार्यालयाचे अधिक्षक तथा लेखाधिकारी मा.श्रीम.वर्षा परीट यांनी केले. आपल्या मार्गदर्शनामध्ये श्री. राहूल कदम यांनी शिक्षकांमध्ये आर्थिक साक्षरता होणे आवश्यक असलेबाबत नमूद करुन आर्थिक साक्षरतेचे महत्व विषद केले. शिक्षणाधिकारी (प्राथ.) मा.सुभाष चौगुले यांनी आर्थिक सुबत्तेबरोबर शाळेची गुणवत्ता कशी टिकविता येईल याबाबत मार्गदर्शन केले. मा.डॉ.विलास पाटील यांनी आपल्या अध्यक्षिय भाषणात गरजा कमी करुन बचतीचा मार्ग अवलंबता येतो. याबाबत विविध उदाहरणे देवून मार्गदर्शन केले. सदर कार्यक्रमाचे सुत्रसंचलन सौ.जयश्री जाधव, शिक्षण विस्तार अधिकारी, जि.प.कोल्हापूर यांनी केले व आभार कार्यालयाच्या सहा. लेखाधिकारी श्रीम. शैला ढाके यांनी मानले. सदर कार्यक्रम यशस्वी करणेसाठी खाजगी प्राथमिक शिक्षकांची पतसंस्था मर्या. कोल्हापूर व सर्व शिक्षक संघटनांचे सहकार्य लाभले.
(सुभाष चौगुले)
शिक्षणाधिकारी(प्राथ.)
जिल्हापरिषदकोल्हापूर
