LATEST NEWS

राजर्षी शाहू छत्रपती विद्यानिकेतन व निवासी क्रीडा प्रशाला, ( चंबुखडी), शिंगणापूर, ता- करवीर, जिल्हा – कोल्हापूर. कंत्राटी निवासी पुरुष रेक्टर भरती

कोल्हापूर : ३०. ०१. २०२०

संत गाडगेबाबा ग्रामस्वच्छता अभियान सन २०१८ -१९ अंतर्गत विभागस्तरीय स्पर्धेचा निकाल जाहीर झाला असून या स्पर्धेमध्ये पुणे विभागात ग्रामपंचायत श्रुंगारवाडी, ता. आजरा या ग्राम पंचायतीने राष्ट्रसंत तुकडोजी महाराज स्वच्छ ग्राम स्पर्धेत तृतीय क्रमांक मिळविला आहे. याबाबत ग्रामपंचायत श्रुंगारवाडी यांचे सर्व स्तरावरून कौतुक केले जात आहे.
या विभागस्तरीय स्पर्धेस पुणे विभागातील सर्व जिल्हास्तरीय स्पर्धेमध्ये प्रथम व द्वितीय क्रमांक प्राप्त झालेल्या ग्रामपंचायतींची विभागस्तरीय समितीद्वारे तपासणी करणेत आली होती. आजरा तालुक्यातील दुर्गम भागातील गाव असून सुद्धा स्वच्छतेच्या क्षेत्रामध्ये या गावाने केलेल्या भरीव कामगिरीमुळे श्रुंगारवाडी ग्रामपंचायतीस हे यश प्राप्त झाले आहे. श्रृंगारवाडी गावामध्ये 100 % कुटुंबांकडे शौचालय सुविधा उपलब्ध आहे. तसेच गावामध्ये भुयारी गटर्स असून हे गावं प्लास्टीक मुक्त असून गावातील प्लास्टीक कचरा ग्राम पंचायत स्तरावर संकलित करून तो विक्री केला जातो. या वैशिष्टयामुळे गावाला स्वच्छतेमधील पुरस्कार प्राप्त झाला आहे.

या गावांला मा. श्री. बजरंग पाटील, अध्यक्ष, जि.प.कोल्हापूर, मा.श्री. सतीश पाटील, उपाध्यक्ष, जि.प.कोल्हापूर, मा. श्री. अमन मित्तल,मुख्य कार्यकारी अधिकारी, जि.प. कोल्हापूर तसेच सर्व सन्माननिय जिल्हा परिषद व पंचायत समिती पदाधिकारी व मा. जिल्हा परिषद व पंचायत समिती सदस्य यांचे मार्गदर्शन लाभले

महिला रेक्टर जाहिरात

ग्रामसेवक प्रशिक्षण संस्था कोल्हापूर या कार्यलयाकडील निरुपयोगी साहित्य जाहीर लिलाव  

कोल्हापूर जिल्हयातील ग्रामपंचायत स्तरावर स्थापन करण्यात आलेल्या जैव विविधता व्यवस्थापन समिती अंतर्गत लोक जैव विविधता नोंदवही तया करण्याची कार्यवाही सुरू आहे. त्या अनुषंगाने जिल्हा तांत्रिक सहाय्य गटाची स्थापना करण्यासाठी दि. 10 /12/2019 रोजी दुपार 4.00वाजता जिल्हा परिषदेच्या स्व. वसंतराव नाईक सभागृह, जिल्हा परिषद, कोल्हापूर येथे पर्यावरण प्रेमीच्या बैठकीचे आयोजन करण्यात आले आहे.जिल्हामधून कृषीशास्त्र, प्राणीशास्त्र, वनस्पतीशास्त्र, आर्युवेदाचार्य, पशुवैद्यशास्त्र, वन, वन्यजीव, पर्यावरण व जैव विविधता संबंधित तज्ञ व इच्छूक व्यक्तींनी आपल्या बायोडाटासह उपस्थित रहावे. ग्रामपंचायत स्तरावरील लोक जैव विविधता नोंदवही तयार करण्याकरीता जिल्हातील ज्या स्वयंसेवा संस्थाकडे तज्ञ मनुष्यबळ उपलब्ध आहे, अशा इच्छुक स्वयंसेवी संस्थांनी आजवर केलेल्या कामाचे सादरीकरण करण्यासाठी उपस्थित रहावे. यासाठी उप मुख्य कार्यकारी अधिकारी (ग्रामपंचायत),जिल्हा परिषद कोल्हापूर उपवनसंरक्षक (प्रा),कोल्हापूर वनविभाग कोल्हापूर यांचे कार्यालय, वनवर्धन प्रधान डाकघर कार्यालयासमोर, ताराबाई पार्क,कोल्हापूर, यांच्याशी संपर्क साधावा, असे आवाहन मुख्य कार्यकारी अधिकारी श्री. अमन मित्तल (भा.प्र.से.) यांनी केले आहे.

(प्रियदर्शिनी मोरे)

उपमुख्यकार्यकारीअधिकारी (ग्रा.पं.)

जिल्हा परिषद कोल्हापूर

पंडित दिनदयाळ उपाध्याय पंचायत सशक्तीकरण पुरस्कार 2019 चा पुरस्कार कोल्हापूर जिल्हा परिषदेने ऑनलाईन सादर केलेल्या नामांकनास केंद्र शासनाकडील पंचायती राज मंत्रालय, भारत सरकार, यांच्या मार्फत जाहिर झाला होता, सदरचा पुरस्कार वितरण कार्यक्रम सी. सुब्रमन्यम हॉल, नॅशनल अग्रीकल्चरल सायन्स कॉम्पलेक्स, पुसा, नवी दिल्ली येथे आज दिनांक 23/10/2019 रोजी दुपारी 2  वाजता पार पडला. केंद्रीय मंत्री महोदय मा. श्री नरेंद्रसिंग तोमर, पंचायती राज मंत्रालय, भारत सरकार यांचे हस्ते जिल्हा ‍परिषद कोल्हापूरच्या वतीने जिल्हा परिषदेचे उपाध्यक्ष मा.श्री सर्जेराव पाटील, मुख्य कार्यकारी अधिकारी मा.श्री अमन मित्तल, उपमुख्य कार्यकारी अधिकारी(साप्र) श्री रविकांत आडसुळ यांनी प्रथम पारितोषिक पुरस्कार स्विकारला. या कार्यक्रमासाठी कर्नाटक, आसाम, छत्तीसगड या राज्यांचे ग्राम विकासमंत्री उपस्थित होते. कोल्हापूर जिल्हा परिषदेस प्रथम पारितोषिकाचे प्रमाणपत्र व रक्कम रुपये 30 लाख बक्षीस स्वरुपात मिळाले आहे.  जिल्हा परिषदेचे अध्यक्ष मा. सौ शौमिका महाडिक आजारी कारणास्तव दिल्ली येथे कार्यक्रमास जाऊ शकल्या नाहीत.

जिल्हा परिषदेचे अध्यक्ष मा. सौ शौमिका महाडिक व मुख्य कार्यकारी अधिकारी मा. श्री अमन मित्तल यांचे मार्गदर्शनाखाली कोल्हापूर जिल्हा परिषदेने विविध योजना व नाविन्यपुर्ण योजना चांगल्याप्रकारे राबविलेल्या आहेत. यामध्ये जिल्हा परिषदेचे प्रशासकीय बाबी, सर्वसाधारण सभा कामकाज, सभा कामकाजाचे रेकॉर्ड, सभेस जि.प. सदस्य यांची उपस्थिती इ. सह जिल्हा परिषदेकडील योजना व जिल्हा परिषदेने राबविलेल्या वैशिष्टपूर्ण उपक्रमांची माहिती याची पडताळणी करणेत आली होती. जि. प. च्या नाविन्यपुर्ण व्‍  वैशिष्टपूर्ण उपक्रमांमध्ये पर्यावरण पुरक गणेशोत्सव, पंचगंगा नदी प्रदुषण मुक्त करणे, स्वच्छ भारत मिशन, डिजीटल शाळा, स्वच्छ विद्यालय पुरस्कार,‍ ‍शिंगणापुर निवासी क्रिडा प्रशाला, रेकॉर्ड  वर्गीकरण अंतर्गत्‍  डिजीटल रेकॉर्ड रुम, दिव्यांग उन्नती अभियान, बायोगॅस,  आधारवड, कॅन्सर सर्व्हेक्षण, महिला बचत गटांचे काम, घरकुल योजना, बेटी बचाओ बेटी पढाओ, वृक्ष लागवड, वॉटर एटीएम, आयएसओ पशुसंवर्धन दवाखाने या योजना चांगल्याप्रकारे राबविलेल्या आहेत. जिल्हा परिषदेच्या  प्रस्तावाचे सादरीकरण सामान्य प्रशासन विभागाच्या वतीने करणेत आलेले होते.

जिल्हा परिषदेचे अध्यक्ष मा.सौ. शौमिका अमल महाडिक, उपाध्यक्ष मा.श्री सर्जेराव पाटील, श्री अंबरिषसिंह घाटगे  सभापती अर्थ व शिक्षण समिती , श्री सर्जेराव पाटील-पेरीडकर सभापती आरोग्य व बांधकाम समिती, श्री विशांत महापुरे सभापती समाजकल्याण समिती, सौ वंदना मगदुम सभापती महिला व बालकल्याण समिती, गटनेते श्री अरुणराव इंगवले, पक्षप्रतोद श्री विजय भोजे व सर्व सन्मानीय जिल्हा परिषद सदस्य यांचे मार्गदर्शनाखाली व मा.मुख्य कार्यकारी अधिकारी श्री अमन मित्तल, अतिरिक्त मुख्य कार्यकारी अधिकारी श्री रवि शिवदास, प्रकल्प संचालक श्री अजयकुमार माने, उप मुख्य कार्यकारी अधिकारी(साप्र) श्री रविकांत आडसुळ, सर्व  खातेप्रमुख व अधिकारी कर्मचारी वर्ग या सर्वांनी यासाठी प्रयत्न केले आहे. या निमित्ताने जिल्हा परिषदेचे अध्यक्ष मा.सौ. शौमिका अमल महाडिक यांनी सर्व पदाधिकारी, अधिकारी व कर्मचारी यांच्या सर्वांच्या सहकार्याने जिल्हा परिषदेस हे यश प्राप्त झाले आहे असे मनोगत व्यक्त करुन याबददल सर्वांचे अभिनंदन केले आहे.

ग्रामविकास विभागाकडील जाक्रं झेडपीए 2018/प्रक्रं 145/पंरा 1दिनांक 28 जानेवारी 2019 च्या प्राप्त पत्रानुसार केंद्र शासनाच्या पंडित दिनदयाळ उपाध्याय सशक्तीकरण पुरस्कार 2019 अंतर्गत (तपासणी वर्ष 2017-18) जिल्हा परिषदेने केंद्रस्तरावर ऑनलाईन्‍ प्रस्ताव सादर केला होता. सदर प्रस्तावाच्या अनुषंगाने  जिल्हा परिषद कोल्हापूरची मा. श्री  श्रीनिवास बावा व श्री ‍ अनिल कुमार  या दोन सदस्यीय  केंद्रीय पथकाकडुन दि. 07-02-2019 ते 09-02-2019 अखेर जिल्हा परिषदेची कागदपत्रांची व क्षेत्र स्तरावरील प्रत्यक्ष पडताळणी करणेत आलेली होती.

पंचायती राज मंत्रालय, भारत सरकार, यांच्या मार्फत पंडित दिनदयाळ उपाध्याय पंचायत सशक्तीकरण पुरस्कार 2019 चा निकाल केंद्र शासनाकडील दिनांक 16-09-2019 च्या पत्रान्वये नुकताच जाहिर झाला आहे.  यामध्ये कोल्हापूर जिल्हा परिषदेने सादर केलेल्या नामांकनास राज्यामध्ये प्रथम पारितोषिक (प्रमाणपत्र व रक्कम रुपये 30 लाख  या स्वरुपात) मिळाले  आहे.

सदर जाहीर झालेल्या पुरस्काराचा आनंदोत्सव आज दि. 19-09-2019 रोजी जिल्हा परिषदेत साजरा करणेत आला. या कार्यक्रमाचे अध्यक्ष मा. सौ शौमिका महाडिक अध्यक्ष जि.प. कोल्हापूर यांचे  हस्ते पेढे व साखर वाटुन साजरा करणेत आला. यावेळी मा. अमन मित्तल मुख्य कार्यकारी अधिकारी व मा. सर्जेराव पाटील उपाध्यक्ष उपस्थितीत होते. याप्रसंगी मा.अध्यक्ष सौ शौमिका महाडिक यांनी मार्गदर्शन करताना सर्वांचे अभिनंदन केले व सर्व जिल्हा परिषदासाठी कोल्हापूर जिल्हा परिषद पथदर्शी असलेचे नमुद करुन भविष्यात नाविन्यपुर्ण योजना राबवावेत व देशात प्रथम क्रमांक मिळवावेत यासाठी शुभेच्छा व्यक्त केल्या. मा. अमन मित्तल  यांनी सर्वांचे अभिनंदन केले. तसेच सर्व पदाधिकारी , जिल्हा परिषद सदस्य व अधिकारी-कर्मचारी यांच्या एकत्रित कामाचे यश असलेचे नमुद केले. येथुन पुढील पुरस्कार मिळवणेसाठी स्पर्धेत सहभागी व्हावे असे आवाहन केले. यावेळी मा. रविकांत आडसुळ उपमु.का.अ. (साप्र) यांनी पुरस्कारसंदर्भात प्रास्ताविक व स्वागत केले आणि मनोगत व्यक्त करुन सर्वांना शुभेच्छा दिल्या. यावेळी श्रीमती प्रियदर्शनी मोरे उप.मु.का.अ.(पाणी व स्वच्छता) यांनी मनोगत व्यक्त केले. कर्मचारी संघटना प्रतिनिधी श्री महावीर सोळांकुरे यांनीही मनोगत व्यक्त केले. तसेच पत्रकार प्रतिनिधी श्री समीर देशपांडे यांनी मनोगत व्यक्त करुन कोल्हापूरचे नाव देशात मोठे करावे अशी अपेक्षा व्यक्त केल्या व शुभेच्छा दिल्या. यानंतर श्री राहुल कदम उप मु.ले. व वि.अ. यांनी सर्वांचे आभार मानले.

यावेळी जिल्हा परिषदेचे श्री सर्जेराव पाटील-पेरीडकर सभापती आरोग्य व बांधकाम समिती, गटनेते श्री अरुणराव इंगवले, जि.प. सदस्य श्री विजय बोरगे, व जि. प. सदस्य श्री महेश चौगुले, जि. प. सदस्य श्री सुभाष सातपुते तसेच खातेप्रमुख व कर्मचारी  वर्ग मोठया संख्येने उपस्थित होते. कार्यक्रमाचे सुत्रसंचालन श्री बी.पी माळवे यांनी केले.